Friday, January 18, 2008

விந்தையான மனிதர்கள்.

சில நேரங்களில் சில மனிதர்கள்....
சில நம்ப முடியாத, வேதனை தரும் நிகழ்ச்சிகளை நாம் சந்திக்க நேரும்போது அதை ஏற்றுக்கொள்ளும் மனப்பக்குவம் அவ்வளவு எளிதாக வருவதில்லை. இப்படி கூட உலகில் நடக்குமா என்கிற வினா அடிக்கடி எழுவது உண்டு.
அப்படித்தான் நான் இன்று சந்திக்க நேர்ந்த ஒரு விஷயம்... விஷயம்? அல்ல ஒரு நிகழ்ச்சி.. இதிலிருந்து மீழ எத்தனை நாட்கள் ஆகுமோ!!
தமிழ் செல்வியும் அவள் கணவர் செல்வமும் ஈரோடு மாவட்டத்தை சேர்ந்தவர்கள். கோவை கல்லூரியில் சேர்ந்துப்படிக்கும் போது காதலித்து க் குடும்பத்தினரின் மனக்கஷ்டத்தை சம்பாதித்து, கல்யாணம் செய்து, சென்னையில் ஒரு பெரீய சாஃட்வேர் கம்பெனியில் நல்ல வேலையில் இருந்தார்கள். வீட்டிலுள்ள பெரியவர்களும் சமாதானமாகி இவர்கள் வீட்டிற்கு வந்து போய் இருந்தார்கள்.
செல்வத்திற்கு கல்லூரி நாட்களில் தொத்திக்கொண்ட ஒரு பழக்கம் "பான் பராக்" போடுவது. திருமணம் ஆகி ஒரு வருடத்தில், மலக்குடலில் புற்று நோய் வந்து கஷ்டப்பட்டார். மலக்குடலை வெளியில் வைத்து தைத்து அவருக்கு chemotherapy and Radiation என்று மாற்றி மாற்றி வைத்தியம். தமிழ்செல்வி மிகவும் friendly type. சிரித்த முகம். அத்தனைக் கஷ்டங்களிலும், தன் கணவரை நல்லபடியாகக் கவனித்துக் கொள்வார். வார்டிலுள்ள எல்லா செவிலியர்களிடமும் நல்ல பழக்கம். செல்வமும் வைத்தியம் பலனளிக்காமல் ஒரு வருடத்திற்கு முன்பு இறந்துவிட்டார். இறக்கும் போது செல்வத்தின் வயது 31.
கணவனின் பதினாறாவது காரியம் முடிந்தவுடன் இந்த இளம் பெண், தன் பெற்றோரின் ஆதரவில் தொடர்ந்து வேலைப் பார்த்து வந்தாள்.

கடந்த ஒரு வாரமாக நான் அவளை ஆஸ்பத்திரியில் ஒரு ஆணுடன் பார்க்க நேரிட்டது. ஒரு வித்தியாசமும் தெரிந்தது.. கழுத்தில் புதிதாக மஞ்சள் கயிறு..,, என்னைப் பார்ப்பதைக் கொஞ்சம் தவிர்த்தாள்.......

இன்று அவளாக என்னைத்தேடி வந்தாள். மனம் விட்டுப் பேசினாள். கண்களிலிருந்து மாலை மாலையாக கண்ணீர்.

செல்வம் இறந்தபிறகு, செல்வத்தின் தம்பி ( விஜயகுமார்) தமிழ் செல்வியை திருமணம் செய்ய விரும்பி இரு வீட்டினரின் அனுமதிப் பெற்று ஒரு கோவிலில் வைத்து திருமணம் செய்து கொண்டனர். கல்யாணத்திற்கு முன்பு
விஜயகுமார் பற்றி தமிழுக்கு அதிகம் தெரிய வாய்ப்பில்லை. அவர் ஒரு marketing executive. ஊர் ஊராக சுற்றும் வேலை. அடிக்கடி பெங்களூரு ,மும்பே, கொல்கட்டா என்று ஊர் சுற்றுபவர். தமிழை விட இரண்டு வயது இளையவர். வெளியூருக்கு சென்றால் அங்கிருந்து தமிழுக்கு ஒரு மெஸ்ஸேஜ்.. ஒரு பத்தாயிரம் ரூபாய் அவர் அக்கௌண்டில் செலுத்தும்படியிருக்கும். இரண்டு முறை அவள் உடனே பணம் transfer செய்தாள். அதன் பிறகு சந்தேகம் வரவே நிதானித்தாள். இதற்கிடையில் விஜயகுமார் இவளுடன் தங்குவதை குறைத்து கொள்ள ஆரம்பித்தார். சந்தேகம் வலுக்கவே, தமிழ் தனது உறவினரை வைத்து பெங்களூரில் என்ன செய்கிறார் என்று உளவு பார்க்க ஆரம்பித்தாள்.....
விஜயகுமார் ஒவ்வொறு முறையும் தன்னை விட மிக அதிகமான வயதுள்ள பெண்களுடனே ஹோட்டலில் தங்குவார். யாருக்கும் அறவே சந்தேகம் வராது. பார்ப்பவர்களுக்கும் அவர் சகோதிரியாகவோ அல்லது நெருங்கிய பெரியம்மவாகவோதான் தெரியும். அதனால் பிரச்னைகள் வர வாய்ப்பு இல்லை. இப்படி ஒரு வினோதமான sexual perversion. ஒரு வழியாக மன நல மருத்துவரை சந்தித்து இந்த பிரச்சினைக்கு தீர்வு காணும்போது அடுத்த பேரிடி.....
விஜயகுமாரின் கழுத்தில் ஒரு சின்ன கட்டி.. மாத்திரைகளின்( psychiatric drugs) தாக்கமாகா இருக்கலாம் என்று இரண்டு வாரம் அசட்டையாக இருந்துவிட்டார்கள்...
இரத்த பரிசோதனை.... பயாப்சி.. lymphoma என்று diagnosis...

கீமோதெரபி ஆரம்பிப்பதற்கு முன்பு இளம் வயதுள்ள ஆண்களுக்கு ஒரு option உண்டு. தங்கள் விந்துக்களை சேமித்துவைப்பது... ஏனெனில் கீமோதெரபி கொடுக்கும்போது விந்துக்களின் எண்ண்ணிக்கை குறைந்து அதன் பிறகு அவர்களுக்கு குழந்தை பாக்கியம் இல்லாது போய்விடும்...... (இதற்குறிய முறைய கேட்டு அறியவே என்னிடம் வந்தாள்).

மனம் கனத்துதான் போய்விட்டது.

(பெயர்கள் மாற்றப்பட்டுள்ளன)

33 comments:

Thekkikattan|தெகா said...

டாக்,

மருத்துவமனையில் நீங்கள் சந்திக்கும், சந்தித்துக் கொண்டிருக்கும் கேசுகள் மிகவும் வித்தியாசமான முறையிலே இருக்கும் என்பதற்கு இதோ மற்றொன்று உங்கள் பக்கமிருந்து.

தமிழின் வாழ்க்கையில், வாழ்க்கையெனும் தென்றல் சூறாவலிக் காற்றாக மாறி அவரை மேலிருந்து கீழாக புரட்டிப் போட்டு விட்டது.

இதில் அவரின் மனத் தைரியத்தை கண்டிப்பாக மெச்சுதல் அவசியம். அவரின் நிலையில், அவர் எடுத்த முடிவு ரொம்பவே தைரியமான ஒரு விசயம். ஆனால், விஜய குமாரும் அந்த மறு மணத்திற்கு உடன்பட்டு செய்துகொண்டது அவரின் பெரும் தன்மையினை எடுத்துக் கூறுவதாக இருந்தாலும், முறை தவறிய வாழ்க்கையினால் அவர்களின் வாழ்வு சீரழிந்துள்ளது.

இந் நிலையில், தமிழின் அடுத்தக் கட்ட தைரியமான அணுகு முறை... விந்தணு சேமிப்பு பற்றிய விசாரனை, அவருக்கு இதனில் முழு உடன் பாடு எனில் கண்டிப்பாக செய்து கொடுக்கலாமே.

நம்மூரில் எத்தனை பெண்கள் விபத்துகள் மூலமாகவும்,நோய்களுக்கும் தனது கணவனை இழந்து 20வதுகளின் தொடக்கதிலேயே விதவையாக கை குழந்தைகளுடன் வாழ்ந்து இறக்க நேரிடுகிறது. அதற்கு இது போன்ற மறு மணங்கள் ஒரு மாற்று மருந்தாகலாமோ?

PAISAPOWER said...

சில நேரங்களில் நெருடல்களை ஜீரணித்துக் கொள்ளத்தான் வேண்டும் டாக்டரம்மா....

முத்துலெட்சுமி said...

சினிமா மாதிரி இருக்குன்னு சொல்லத்தோணுது.. நடப்பதைத்தான் காண்பிக்கறாங்கன்னு சில சமயம் இது மாதிரி கேள்விப்படும்போது நம்பிக்கை வருது.. எத்தனை கஷ்டம் அந்த பொண்ணுக்கு.. ? ;(

தருமி said...

டாக்டர்,
வாசித்து முடிந்ததும் நினைவுக்கு வந்த இரு விஷயங்கள்
1. நல்ல வேளையாக டாக்டராவில்லை என்ற நினைவு.
2.இப்படிப்பட்ட ஆளின் குழந்தையை கட்டாயம் சுமக்க வேண்டுமா? ஓர் அனாதைக் குழந்தையைத் தத்து எடுத்துக் கொள்ளலாமே அதைவிடவும்.

தெக்ஸ்,
.. விஜய குமாரும் அந்த மறு மணத்திற்கு உடன்பட்டு செய்துகொண்டது அவரின் பெரும் தன்மையினை ...//
இதை பெருந்தன்மை என்றா கூறுகிறீர்கள்? அந்த ஆளின் perversion தான் காரணமாக இருக்கும்

delphine said...

நன்றி தெகா... சூறாவளி காற்றாக மாறியிருந்தாலும், தமிழ் நிதானத்தை தவற விட்டாள் என்றே தோன்றுகிறது. .. இன்னும் கொஞ்ச நாள் காத்திருந்திருக்கலாம். அவசரமான இந்த திருமணம் தேவைதானா?.. கணவரின் தம்பியாக இருந்தாலும் இன்னும் கொஞ்ச நாட்கள் பொறுத்திருக்கலாமோ என்று தோன்றியது...
மறு மணங்கள் நிச்சயம் ஆதரிக்கப்பட வேண்டிய ஒன்றுதான்...

தஞ்சாவூரான் said...

தமிழுக்கு என் அனுதாபங்கள். எல்லாச் சோதனைகளும் விரைவில் நீங்க வாழ்த்துக்கள். என்னைப் பொருத்தவரை, விஜயகுமார் தமிழின் நிலைய தனக்குச் சாதகமாகப் பயன்படுத்திக் கொண்டார் என்றுதான் கூறுவேன். அண்ணி விதவை, தன் தவறுகள் தெரிந்தாலும் பொறுத்துக் கொள்வாள் என்ற எண்ணமாக இருக்கலாம்.

சரி, ஏன் கணவனின் தம்பி? வெளியில் சென்று திருமணம் செய்து கொள்ளலாமே? இரு பெற்றோர்களும் சேர்ந்து தமிழைக் குழியில் தள்ளிவிட்டார்கள் என்றுதான் நான் சொல்லுவேன்.
எது எப்படியோ, விரைவில் அவர்களின் பிரச்சினைகள் தீர என் பிரார்த்தனைகள்.

Thekkikattan|தெகா said...

இதை பெருந்தன்மை என்றா கூறுகிறீர்கள்? அந்த ஆளின் perversion தான் காரணமாக இருக்கும்//

தருமி,

ஏதாவது ஒரு டிகிரியில் நம் எல்லோருக்கும் sexual perversion இருப்பதனை மறுப்பதற்கில்லை. ஆனால், அது எப்படி வெளிப்படுத்தப் படுகிறது என்பதிலேயே வேறுபடுகிறது.

ஆனால், இந்தக் கேசில் இரண்டு வயதே வித்தியாசமென்பதால் ஒன்றும் பெரிதாக எனக்குத் தோணவில்லை. ஏன், நம் நாட்டுத் திருமணங்களில் ஆணுக்கும் பெண்ணுக்கும் சராசரியாக 5 லிருந்து 10 வருடங்கள் வித்தியாசத்தில் திருமணம் செய்வதில்லையா.

இருந்தாலும், இந்த விஜய குமார் கொஞ்சம் டூ மச் தான் :-).

delphine said...

பைசா பவர்...இப்படிப்பட்ட மனிதர்களின் நெருடல்கள்... வாழ்க்கையில் இவ்வளவு வேகம் தேவையா.?

delphine said...

நன்றி முத்துலட்சுமி.

இரண்டாம் சொக்கன் said...

தாயே...

அந்த பைசாபவர்.....நாந்தேன்....ஹி..ஹி

delphine said...

தருமி சார்,
1. நல்ல வேளையாக டாக்டராவில்லை என்ற நினைவு/////
:(
2)இப்படிப்பட்ட ஆளின் குழந்தையை கட்டாயம் சுமக்க வேண்டுமா? ஓர் அனாதைக் குழந்தையைத் தத்து எடுத்துக் கொள்ளலாமே அதைவிடவும்///
இந்த விஜயகுமாரின் perversion can be cured. so here thats not an issue at all. தமிழின் நிதானமிழந்த ஒரு முடிவுதான் என்னை பாதித்தது..
tell me who is not perverted in this world.?

delphine said...

தஞ்சாவூரான்..
விஜயகுமார் தமிழின் நிலைய தனக்குச் சாதகமாகப் பயன்படுத்திக் கொண்டார் என்றுதான் கூறுவேன்.//
எனக்கும் அப்படித்தான் தோன்றியது.. என் வருத்தமெல்லாம்...
தமிழ் செல்வத்திற்காக மிக கஷ்டப்பட்டதை நான் கண்கூடாக பார்த்தேன்.
ஏன் இப்படி ஒரு முடிவு??

தருமி said...

டாக்டர்,
முதல் கணவன் இறந்து ஒரு வருடம் கழித்து நீங்கள் பார்க்கும் போது கழுத்தில் புதிய மஞ்சள் கயிறு என்று சொல்லியுள்ளீர்கள். பின் எப்படி அந்தப் பெண் அவசரப்பட்டு விட்டாள் என்கிறீர்கள். அதோடு ஒருவன், வீட்டு சம்மதத்தோடு திருமணம் செய்கிறேன் என்று வரும்போது அப்பெண் பாவம் .. beggars cannot be choosers என்ற நிலையில்தானே இருந்திருப்பாள் . அதை எப்படி 'நிதானமிழந்த முடிவு' என்கிறீர்கள்?

//tell me who is not perverted in this world.?//
அப்டியா சொல்றீங்க ...

delphine said...

பைசா பவர்@ சொக்கர்..
எனக்கு தெரியும்... ஆனால் உங்க பைசா பவர் எனக்கு 'க்ரீக் & லாடின்" தான்.

அபி அப்பா said...

தருமி சார் சொல்வதை போல் நான் டாக்டர் ஆகாகது நல்லது என நினைக்கிறேன்! நினைத்தாலும் முடியாது என்பது வேறு விஷயம்!!!

காட்டாறு said...

மறுமணம் செய்தது நன்று. ஆனா... யோசிக்க வேண்டாமா? கணவனின் தம்பி என்ற ஒரே காரணத்திற்காக மறுமணத்திற்கு ஒப்புக் கொள்ளலாமா? புடவை/சுடிதார் எடுக்க இருக்குற கடையெல்லாம் ஏறி இறங்க பொறுமை இருக்குது. ஆனா தனக்கு தக்க துணையைத் தேடுவதில் எங்கே போச்சி?

//கீமோதெரபி கொடுக்கும்போது விந்துக்களின் எண்ண்ணிக்கை குறைந்து அதன் பிறகு அவர்களுக்கு குழந்தை பாக்கியம் இல்லாது போய்விடும்...... (இதற்குறிய முறைய கேட்டு அறியவே என்னிடம் வந்தாள்).
//
எத்தனை குழந்தைகள் பெற்றோர் அரவணைப்புக்கு ஏங்கிட்டு இருக்குறாங்க. ஏன் அதெல்லாம் நம் கண்ணுக்கு தெரியல. :-(

துளசி கோபால் said...

விசித்திரமான சம்பவங்கள் வாழ்க்கையில் நிறைய நடக்குதுன்றதுக்கு இதுவும் ஒரு சான்று.

பாவம்...பெண்ஜென்மம்(-:

பத்மா அர்விந்த் said...

தமிழ்செல்வியின் மனதைரியம் பாராட்டப்படவேண்டியது. நான் நேரம் கிடைத்து அழைத்தபோது நீங்கள் இந்தியா சென்றுவிட்டதாக அறிந்தேன். ஒரு இரண்டு மாதமாவது இருப்பீர்கள் என்று இருந்துவிட்டேன்.

delphine said...

excuse me தருமி சார்! beggars cannot be choosers... அப்டீன்னா... ஒரு விதவையாகிட்டா, does it mean that she can't have a better choice or go for a better choice?
என் ஆதங்கமே ஏன் இப்படி ஒரு அவசர முடிவு...
30 வயதைகூட தாண்டாத பெண், 40,000-க்கு மேல் சம்பளம்...
she definitely would not have recovered from the loss of her husband... she could have waited for a while before she decided to commit herself to this guy.
ஆனால் இப்ப விஜயகுமாருடன் அவள் போராட போவது...???
//tell me who is not perverted in this world.?//
அப்டியா சொல்றீங்க ...
:((((((((((((((((((((( so sad that you are not aware of things that happen in this world.

delphine said...

ஆஹா அபி அப்பா... நாட்டு மக்களுக்கும் நல்லதுதான்...:)
அபி பாப்பா என்னவாகணும்னு சொல்றா?

சின்ன அம்மிணி said...

கல்யாணம் பண்ணும்போது நம்ம பக்கங்கள்ல எல்லாம் மாப்பிள்ளை பெண்ணைப்பத்தி விசாரிச்சுதான் பண்ணுவாங்க. இங்க தெரிஞ்சவங்கன்னதுனால விசாரிக்கம விட்டுட்டாங்க போல இருக்கு.

வல்லிசிம்ஹன் said...

Delphine,
I totally agree with you when you say that she cld have waited for some more time. especially when she has got a job and youth on her side.

and why shd anyone get married without knowing the other person totally??
We may boast of getting educated and fully in charge of our destiny, well it does not seem to be so.
Ignorance can lead to so many complications.

பாச மலர் said...

பாவம் அந்தப் பெண்..மறுமணத்திலும் குழப்பம்..நல்ல பதிவு. ஆமாம். ஒரே நேரத்தில் இந்தக் கருத்தைப் பதிந்திருக்கிறோம்.

cheena (சீனா) said...

ம்ம்ம் - இங்கு குற்றம் சாட்டப்பட வேண்டியவர் விஜய குமார். தன்னிடமுள்ள கெட்ட பழக்கத்தை மறைத்து, தன்னை விட அதிகம் சம்பாதிக்கும், தன்னை விட வயதில் மூத்த ஒரு பெண்ணை மணந்தது தவறல்லவா ? அவருடைய நோக்கம் நல்லதாகத் தெரிய வில்லையே!!

மனநலம் சரியாகி, கீமோ தெரபி சிகிச்சைக்கு முன் விந்து சேமிக்க வேண்டுமா ? நோக்கம் என்ன ?? யாருடைய ஆசை இது ??

வாழ்வில் பல வித்தியாசமான மனிதர்களைச் சந்திக்க வேண்டி இருக்கிறது.

மருத்துவரான உங்களுக்கு சந்திக்கும் வாய்ப்புகள் அதிகம்

சுல்தான் said...

அந்தப் பெண்ணிடம் தவறிருப்பதாகத் தோன்றவில்லை. ஒரு வருடம் காத்திருந்து திருமணம் செய்து கொண்டார். எவ்வளவுதான் பணமிருந்தாலும் நம் நாட்டில் விதவையை மற்ற பெண்களைப் போல் திருமணத்திற்காக பார்க்கும் நிலை வரவில்லை. பேரா. தருமி சொன்ன beggers choice தான்.

அடுத்து முக்கியமாக பேரா.தருமி சொன்னதைப் போல திருமணத்திற்குப் பின்னும் தவறான வழியில் வாழ்ந்த ஒருவனுடைய கருவை சுமப்பதற்கு பதிலாக பொறுத்திருந்து, (வசதியிருப்பதால் - திருமணத்திற்கு முன்னதாகவே வரனை ஆய்ந்து) வேறு திருமணமே செய்து கொள்ளலாம்.

யார்தான் pervert இல்லை என்பது ஓரளவுக்கு சரிதான் என்றாலும் திருமணத்திற்கு பின்னும் தகாத perversion சரியில்லை அல்லவா டாக்டர். அது தன்னுடைய பார்ட்னரின் உரிமையில் தலையிடுவதாகாதா?

delphine said...

காட்டாறு, இந்த காலத்து பெண்கள் கொஞ்சம் smart என்று நினைத்தேன்.. ஆனால் தமிழ் அதை பொய்பித்துவிட்டாள்...


துளசி...
பாவம் பெண்ஜென்மம்... yes..

நன்றி பத்மா! ஒரு மாதம் ஓடி போனதே தெரியலை...

சின்ன அம்மிணி... அவளிடம் ஏன் இப்படி அவசரப்பட்டு ஒரு முடிவு எடுத்தாள் என்று கேட்க தோன்றவில்லை... மாறாக அவள் பட்டுக்கொண்டிருக்கும் வேதனைதான் எனக்கு கஷ்டமாக இருந்தது.

delphine said...

நன்றி வல்லி.. yes I was upset with her. Do you think we could call it ignorance? may be she was hasty in her decision and that guy cashed on her 'depression". Thats how I felt. இப்ப அவங்க பெற்றோர்களுக்கு வாரிசு வேணும்னுதான் அவங்க குறியா இருக்கிறாங்க..

நன்றி பாசமலர் ..உங்க கதை எனக்கு பிடிச்சிருக்கு. இப்ப நம்ப சமுதாயத்தில இப்படிபட்ட பிரச்னைகள் அதிகமிங்கிறது தெரிகிறது.

சுல்தான்... தங்களுடைய கருத்தை ஆமோதித்தாலும் எனக்கு என்னவோ அவள் இன்னும் கொஞ்ச நாட்கள் காத்திருந்திருக்கலாம் என்றுதான் தோன்றுகிறது. marriage is a life long contract. ..இந்த மாதிரி ஆசாமியுடன் வாழ்வதும் சரியல்லதான். அதிலும் ஒரு வாரிசு வேண்டுமென்று நினைத்து கீமோதெரபியை தள்ளிவைத்து கொன்டு செல்வதும் சரியல்ல. செல்வத்திற்காக அவள் பட்ட கஷ்டங்களே அவள் வாழ்நாளுக்கு போதும்.

மங்களூர் சிவா said...

வருத்தமான விசயம்தான்.

மங்களூர் சிவா said...

//
அபி அப்பா said...
தருமி சார் சொல்வதை போல் நான் டாக்டர் ஆகாகது நல்லது என நினைக்கிறேன்! நினைத்தாலும் முடியாது என்பது வேறு விஷயம்!!!
//
ஏன் அபி அப்பா முடியாது
"அபிஅப்பா எம்.பி.பி.எஸ்."

வசூல்ராஜா இன்னொருதடவை பாருங்க !! வாங்கீடுவோம்.

வாக்காளன் said...

மனம் கனக்கிறது ஆனாலும் ஒரு விஷயம்..
பெற்றோரை எதிர்த்து, காதலித்தவனை கைப்பிடிக்க நினைத்த தமிழ், அவன் பான் பராக் போடும் பழக்கத்தை தடை செய்திருக்கலாமே.. புற்று வரை விட்டுவிட்டாரே...

தமிழ் வாழ்வில் வசந்தம் விரைவில் வரட்டும் என்று வேண்டிக்கொள்வோம்.

மங்கை said...

டாக்டரம்மா

பெரும்பாலும் பெண்களுக்கு வேற ஆப்ஷன் இல்லாததால் தான் இது போல மறுமணத்துக்கு ஒத்துக்கொள்ள வேண்டிய அவசியம்..தானாக முடிவு எடுக்க இன்னும் நம் பெண்கள் எம்பவர் ஆகவில்லை என்று தான் சொல்ல வேண்டும்..

வடநாட்டில் இதை விட கொடுமைகள் நடக்கிறது..ஹ்ம்ம்ம்

Anonymous said...

Yes I too agree that the married women- in our country have less choice. They hav to compromise. Also I am very sure even if you wait a whole life you wont come to know any person really. I dont think even if you hire detectives it is difficult to understand the pervertion of a person. Unless you can come to know few of the visible things like smoking, drinking or as in this case affairs. But there are all together different kinds of perversions in this world.

Anonymous said...

virumandi? any body seen?